التوست البيتي بطريقة ولا أسهل وضمان النظافه

التوست البيتي بطريقة ولا أسهل وضمان النظافه

التوست البيتي المقادير 2 كوب دقيق ملعقة كبيرة خميرة ملعقة صغير ملح ملعقة كبيرة سكر كيس بيكينج باودر كباية لبن دافي ملعقة زيت طعام سم

عنوان و تليفون دكتورة ليلى حسن عجاج استشارية التغذية العلاجية و السمنة و النحافة ثروت الاسكندرية
اضرار السمنة على الصحة العامة أبرزها أمراض القلب والسكر
مكونات الطعام الصحيّ يتكون الغذاء الصحيّ من أطعمة مختلفة من المجموعات الغذائية الرئيسية الخمسة وبكميات مناسبة اقرأ المزيد
التوست البيتي

المقادير
2 كوب دقيق
ملعقة كبيرة خميرة
ملعقة صغير ملح
ملعقة كبيرة سكر
كيس بيكينج باودر
كباية لبن دافي
ملعقة زيت طعام
سمسم أو حبوب الشيا أو شوفان أو التلاتة معا أو أي حاجة تفضلوها تترش علي السطح

الطريقة
نخلط المكونات الجافة مع بعض كويس جدا جدا و نضيف اللبن واحدة واحدة علي حسب ما العجينة تحتاج لغاية ما توصل إنا ما تلزقش بس في نفس الوفت تكون طرية علي قد ما نقدر.
نضيف ملعقة الزيت علي كورة العجينة و نغطيها بالزيت من كل الجوانب علشان ما تنشفش و نغطيها بقماشة مبلولة خفيف لمدة ساعتين في حتة دافية. في الوقت ده حجم العينة المفروض يتضاعف تقريبا.
ندهن صينية التوست أو أي صينية مستطيلة نفس شكل التوست بملعقة زيت و يتوزع كويس جدا علي قاع الصينية و علي الأجناب و نرش شوية دقيق علي الصينية و نوزعه في جميع الأركان بحيث تكون متغطية كلها.
نحط العجينة في الصينة بالراحة و ما نخافش لو النفشة بتاعة العجينة راحت من مسكة أيدينا لأن ده طبيعي و علشان كدة هانسيبها ترتاح تاني جوة القالب أو الصينية لمدة ساعة كمان و نغطيها بالقماشة المتندية. ندهن الوش بصفار بيضة و نرش عليها السمسم أو الشيا أو الشوفان أو أي حاجة تفضلوها.
لما العجينة ترجع تاني لنفشتها نحطها في الفرن علي حرارة 180 لغاية ما الرغيف يحمر و بيتوي و لما تطلع ضروري نسيبه يبرد ساعتين فبل ما نقطعه و بسم الله بألف صحة.

COMMENTS

%d مدونون معجبون بهذه: