التقليل من الجوع والأحساس بالشبع في فصل الشتاء يحتاج إلي:

((نصـــــــــــــــــائح لتقليل الجوع في فتره الشتاء))
ناس كتير جدا بتجوع في الشتا وده امر طبيعى لان الجسم بيحتاج سعرات اكتر عشان يقاوم البرد بس في خطوات ممكن نحاول نعملها هتساعدنا:

1-متسيبش نفسك لما تجوع اوى وتقول انا مش جعان دلوقتى مبحبش افطر ويجى وقت بقي هتاكل الاخضر واليابس محدش هيقف قدامك 😀 لازم تاكل باتزان وجباتك والسناك بتاعك حتى لو مش جعان

2-اتعود من دلوقتى تقلل عدد معالق السكر اللى بتشربها مثلا في كوب الشاى عشان تقدر تشرب اكتر من مره واكتر من مشروب دافي بنفس كميه السكر لان المشروبات الدافيه بتساعد ع الشبع

3-قله الضوء وغياب الشمس بتخليك نفسيا جعان حاول تخرج او تتعرض لضوء الشمس

4- نركز ع الاطعمه اللى فيها الياف عشان بتساعد ع الشبع وتفضل مده كبيره في المعده زى الخضار والفاكهه والحبوب الكامله والبقوليات واللوز

5- الرياضه مهمه جدا ف الشتا بالذات في الاول هتكون بردان ومش قادر تتحرك بس جرب تقاوم وتتغلب على نفسك وتقوك وتتحرك هتلاقي عندك نشاط مش عادى وهتقدر تتحرك اكتر من الصيف والدراسات اثبتت ان ممارسه الرياضه بتنظم هرمون السيروتونين اللى بينظم الشهيه بدوره

6- تناول الشوربات الساخنه زى شوربه الخضار او العدس وممكن شوربه فراخ او لحمه بالليمون بس منزوعه الدسم وده بانك تغليها وتشيلها في التلاجه هتكون وش دهون تشيله وتغليها تانى وتشيل الدهون مره تانيه وتشرب منها

7-في مشروبات عن تجربة جباره جدا في سد النفس وتقليل الشهييه بصوره كبيره القرفه الساخنه باللبن او بدون الشاى الاخضر بالنعناع

8- ناس كتير جدااااا بتنسي تشرب في السقعه وتقولك مش بعطش وناس بتوصل ل 3 ايام مش بيشربو نقطه مياه وده بيسبب مشاكل لا حصر لهاااا
قله امتصاص وعسر هضم وامساك وجفاف بشره وبالتالى معدل حرق اقل كتير
خلى الميه جنبك دايما

9-الشوفاان ممتاااااااااز في تقليل الشهيه والشبع باقي اليوم لو اعتمدت عليه ف الفطار وجبه اساسيه

10- حاول تضيف البهارات الحاره ف اكلك هتدفيك وتشبعك وتعلى الحرق زى الشطه والجنزبيل والقرفة

11- عصائر الخضار
هناك دراسة اثبتت أن تناول كوب من عصير الخضار يقلل من استهلاك السعرات الحرارية في الوجبة التالية حوالي 135 سعر حراري حيث أن هذه العصائر تقلل من الشهية وفي نفس الوقت هي مليئة بالفيتامينات والمعادن ومضادات الأكسدة.

12- التسالى لازم تستغنى عتها وتبدلها بالخس او شرايح الخيار بالليمون او اللوز بحجم قبضه اليد

13- لازم تنام قسط كافي 6-8 ساعات يوميا

14- تناول الطعام ببطء لان اشاره الشبع بتوصل للمخ بعد 20 دقيقه

15- بدء الطعام بتناول 2 كوب ماء وطبق سلاطه كبيره وبعدين تاكل وجبتك الاساسيه

16- تناول منتجات الالبان منزوعه الدسم 

17- يساعد البرتقال واليوسفي والجريب فروت على المحافظه على مستوى السكر في الدم مما يعزز الشعور بالشبع